Skilmálar

Þegar bókað er hjá okkur fáum við nafn, kennitölu, símanúmer og netfang ásamt upplýsingum um bíl og flug. Þessar upplýsingar eru eingöngu nýttar til að þjónusta þig sem viðskiptavin.

Allar upplýsingar sem snúa að greiðslu fara í gegnum Teya greiðslugáttina.

Bílar njóta töluverðs öryggis þar sem lágmarks hætta er á tjóni á bílaplaninu okkar. Bílaplanið er vaktað allan sólarhringinn og er bíllinn þinn í öruggum höndum. Komi til tjóns á bíl þegar hann er í geymslu hjá Park and GO þá tekur fyrirtækið fulla ábyrgð og fer tjónið í gegnum tryggingar fyrirtækisins.

Komi upp bilun í bifreið sem er í umsjá Park and GO, sem hægt er að rekja til eðlilegra kringumstæðna, ber Park and GO enga ábyrgð á því. Dæmi um þetta gæti verið slitin tímareim eða annað eðlilegt slit á bíl. Ef starfsmenn Park and GO verða uppvísir að vítaverðu gáleysi sem veldur bilun í bíl ber Park and GO ábyrgð á því tjóni.

Endurgreitt er að fullu ef afbókað er með að minnsta kosti 24 klst. fyrirvara fyrir brottför. Einnig endurgreiðum við ef um forföll er að ræða vegna veikinda. Ef það er minna en sólarhringur í ferðina þá fæst þjónustan ekki endurgreidd.

Skilmála þessa ber að túlka í samræmi við íslensk lög. Komi upp ágreiningur eða telji einhver að hann eigi kröfur á hendur Park and GO ehf. á grundvelli þessara ákvæða og skilmála, verður slíkum ágreiningi eða kröfu vísað til meðferðar hjá íslenskum dómstólum.

Þegar þú bókar hjá okkur sendum við þér tölvupóst sem tengist bókuninni þinni, til dæmis staðfestingu á bókun og reikning. Auk þess sendum við þér SMS-áminningu fyrir brottför. Þessi samskipti eru hluti af þjónustunni og nauðsynleg til að hægt sé að afgreiða bókunina þína.

Markaðsefni, svo sem fréttabréf og afsláttarkóðar, er aðeins sent þeim sem haka sérstaklega við það við bókun. Þú getur hvenær sem er afskráð þig af slíkum póstlista. Afskráning hefur engin áhrif á samskipti sem tengjast bókuninni þinni.